.jpg)
Та бүхэнд энэ өдрийн амар амгалан айлтгая.
2004 оноос эхлэн хурдан шуурхай санхүүгийн тайлан тооцоо гаргадаг болох тухай, мөн санхүүгийн тайлан дээрээ үндэслэж компани хүний нөөц болон капиталаа хэрхэн зөв удирдаж болох тухай бодож эхэлсэн билээ.
Цөөнх компаниуд санхүүгийн тайлан дээрээ үндэслэн чухал шийдвэрүүд гаргаж байхад, ихэнх компаниуд “Нягтлан бодогчийг татвар нуудаг ажилтан, санхүүгийн тайланг татварын байцаагч ирж шалгахад үзүүлэх баримт төдийхнөөр ашиглаж” байгааг анзаарч ЯАГААД гэх асуултын хариуг хайдаг байсан.
Энэхүү бодол маань мэргэжлийн үйлчилгээний зах зээлд өөрийн гэсэн мөр, өнгө төрхийг үлдээх компанийг бий болгожээ.
Манай хамт олон санхүү НББ-ийн сургалт, Аудит баталгаажуулах үйлчилгээ, Татварын мэргэшсэн зөвлөх үйлчилгээ, Санхүүгийн програм хангамж гэсэн санхүүгийн мэргэжлийн үйлчилгээний чиглэлээр үйл ажиллагаагаа амжилттай явуулж байна.
Бидний түүх санхүүгийн тайланг хамгийн хурдан, хялбар аргаар гаргах аргачлалыг боловсруулж 2007 онд Мэжик чойс сургалтын төвийг нээн ажиллуулснаар эхэлсэн.
Энэ нь дараа дараагийн компаниудыг байгуулж “Мэжикийн гэр бүл” гэх хамт олныг бий болгох эхлэлийг тавьж өгсөн билээ.
Одоогийн байдлаар бид:
- Улаанбаатар, Дархан, Эрдэнэт хотуудад 4-н салбартай;
- 1900 гаруй удаагийн төгсөлтөөр 20,000 орчим хүнийг санхүүгийн чиглэлээр сургаж төгсгөсөн;
- 2000 орчим идэвхтэй санхүүгийн програмын хэрэглэгчидтэй болсон;
- 200 гаруй компаниудад аудит болон зөвлөх үйлчилгээ үзүүлдэг;
- 100 орчим байгууллагуудтай “Нягтлан бодох бүртгэл, татварын зөвлөх үйлчилгээний тухай” гэрээ байгуулан ажилладаг;
- Жилд 400 сая гаруй төгрөгийн татвар, нийгмийн даатгал төлж улс орныхоо эдийн засагт хувь нэмрээ оруулж байна.
Бид санхүүгийн бүтээгдэхүүн үйлчилгээг чадварлаг боловсон хүчин бүрдүүлж, орчин үеийн дэвшилтэт технологи дээр суурилж явуулах ёстой, энэ нь бидний салбартаа оруулах хувь нэмэр, үүрэг хариуцлага гэж ойлгодог.
Татварын зөвлөх үйлчилгээнд зориулж XAMT систем, аудитын үйлчилгээнд зориулж eMagic, мэдлэгийн сан зэрэг системүүдийг хөгжүүлж, илүү хяналттай, ойлгомжтой, хурдтай үйлчилгээг үзүүлэхээр зорьж байна. Мөн ажлын орчин нөхцөл, ашиглаж байгаа тоног төхөөрөмжөө илүү сайжруулан, чадварлаг хамт олон бүрдүүлэн ажиллаж байна.
Бид манай харилцагч байгууллагууд, манай үйлчилгээг сонгосон хувь хүмүүст үргэлж талархдаг бөгөөд санхүүгийн үйлчилгээг боловсронгуй болгож сайжруулах үйлст биднийг хөтөлсөн хамтран зүтгэгчид гэж үнэлдэг билээ.
Тиймээс бидний өнөөдрийн гаргасан ололт бүхэн хамт олны маань нөр их хөдөлмөр зүтгэл төдийгүй, харилцагч нэг бүрийн итгэлийн үр дүн гэдгийг хэлэхэд таатай байна.
“Мэжикийн гэр бүл” ийг сонгон үйлчлүүлдэг эрхэм харилцагч та бүхэндээ баярлалаа.
Үүсгэн байгуулагч, Гүйцэтгэх захирал:
С.Мөнхбаяр